Александар Белов

Најдобар подарок од фановите ми се фановите

На Ваше барање, талентираниот пејач Александар Белов, морален победник на шоуто Операција тријумф, најде време да одговори на десет актуелни прашања кои му ги поставивме. Читајте и уживајте!

Од кои причини толку многу размислуваше, пред да станеш дел од некоја домашна продукција?

Со оглед на тоа дека една година по реалното шоу Операција Тријумф следеа многу концерти и настапи по бивсите ЈУ-простори, цела година ми помина без продукција во Македонија заради тоа што бев се повеќе ангажиран надвор од нашата земја.

Од таа причина, иако не по моја волја, не успевав многу да се ориентирам на домашната публика. Но, откако завршија сите ангажмани околу мојата кариера, заедно со останатите мои колеги, решив дека конечно е дојден моментот да се решам кој тим ќе се грижи за мојата кариера во Македонија. Размислував многу и сватив дека токму План Б продукција е таа која што ми е потребна во моментот. Мислам дека го направив вистинскиот избор. Со оглед на тоа какви постигнати успеси имаат до сега, можам слободно да кажам дека План Б е една од најушпесните продукции, ако не и најуспешната која работи со македонски пејачи.

Сметаш ли дека Емоушн придонесоа за развојот на кариерите на сите студенти од ОТ Академија, а во истовреме придонесоа истите да стагнираат, со самото тоа што долго време ништо не се слушуваше со вашите кариери?

Продукцијата Емоушн направи од 16 анонимци, барем половина од нив звезди, но да градиш кариера истовремено на повеќе ексклузивци кои се од пет различни држави, сигурно не е лесно. Тие имаат и други проекти, па мислам дека и тоа влијаеше по малку на нашите кариери, но како и да е, ние сме задоволни од тоа што се остварија нашите соништа да излеземе од таа анонимност, и ни помогнаа многу лесно да го живееме нашиот сон.

Помина сега веќе доволно време, и секој со својата среќа ќе си го најде местото на естрадата, а Емоушн е тука како наша продукција да не подржи и помага во тоа сто го работиме. Емоушн ќе остане тука заедно со План Б продукција да се надополнуваат во проектите за Македонија и странство што се однесува на мојата кариера.

Со кого од ОТ остана во контакт и најчесто се слушаш/ гледаш?

Со помош на интернетот, а секако и со популарниот Фејсбук некако далечината не не разделува. Јас како и во самото шоу останав ист, и можам да кажам дека со секого останав во контакт. Некогаш знаеме да се собереме на Скајп повеќето од колегите, и да разговараме, да се дружиме и потсетуваме на убавите моменти во куќата. Јас како и во шоуто, најблизок останав со Нина, а тука се и Никола Пауновиќ, Џоле... Но, во глобала со повеќето сум во контакт. па не би ги двоел сега.



Што работиш во моментов на музичко поле?

Во моментот,она сто кје го работам е сниманјето на мојот прв видео запис за мојот последен сингл ЕДНА кој малку се одлози заради временсите услови,Една дозивеа И верзија за Еџ Ѕу просторите,која кје биде промовирана заедно со спотот,се спремаат композициите полека но согурно за летните фестивали,а секако драго ми е сто поцнав повторно со настапите во дрзавата,од каде ја црпам И позитивната енергија. Има многу планови, но јас никаде не брзам. Се снимаат нови песни, нови спотови, И усте неколку други работи. Но мислам дека нема да биде интересно да ги откријам сега сите. За се ке бидете благовремено известени J.

До каде се подготовките за  твојот прв албум?

Се работи полека, но сигурно. Се собираат композиции, па се прави селекција што е најдобро што ќе се најде на мојот деби-албум. Не сакам да форсирам, сакам се да биде изработено со душа и тоа што ќе го сработам да биде квалитетно и да трае... Според стратегијата која што ја изработивме со целиот тим на План Б продукција, и со мојот менаџер Кристијан Стефановски, албумот треба да излезе во продажба некаде на средината на месец септември.

Во чии песни најмногу се пронаоѓаш?

Е ова е тешко прашае, едноставно се зависи од периодот и од моментот во кој се наоѓам. Не можам да кажам од кој автор и во чии песни се пронаоѓам, но онаа автобиографска во која ќе се пронајдам, се уште ја чекам… Мислам дека е многу битно авторот да го познава пејачот и како личност, за да знае каква песна да направи за него. Моментално официјален композитор ми е Владимир Дојчиновски, така да секоја песна што ќе биде направена и од некој друг, мора да помине и преку него.

Кој од музичкиот свет изврши најмногу влијание врз тебе? Омилена песна и албум?

Со оглед на тоа што сум најголемиот фан на македонската музика пред се, јас сум среќен што живеев во времето на нашиот Тоше, пораснав со неговата музика, И учев од него. Едноставно беше и ќе остане за мене идол, и како човек, и како музичар кој се раѓа еднаш во 500 години. А што се однесува на тоа која ми е омилена песна и албум - ако почнам да одговарам - ќе нема крај. Оние кои ме познаваат приватно знаат дека знам честопати да кажам: E оваа е мојата омилена песна, па многупати така не можам да се одлучам што е број еден.



Кој подарок од фановите го сметаш за најубав?

Подршката за тоа што го работам ми е најголемиот подарок од фановите. Публиката е најбитниот фактор за една кариера на музицар, и затоа секогаш одвојувам време за моите фанови со помош на интеренетот, но пред се за оние најверните од мојот Фан Kлуб & Форум. Најдобар подарок од фановите ми се фановите.

Што е најдобро, а што најлошо што го доби со популарноста?

За да бидеш популарен и да го работиш тоа што го сакаш, нормално е дека мора да жртвуваш некои работи кои ти значат, но со оглед на тоа дека го работам тоа што го сакам и што сум го посакувал, ништо не е тешко. Едноставно, досега ми се случувале убави работи, па не би можел да издвојам ништо лошо.

Да не е пејач, Александар Белов би бил...?

Повторно би се занимавал со музика, а ако не може тоа, повторно би бил пред камери. Сигурно би бил некој новинар или водител на некое шоу:)бидејќи новинарството е мојата втора љубов, па ништо чудно да ја изненадам публиката во иднина со нешто од таа област. Битно е тоа што го работиш да го работиш со љубов, и пред се да го работиш за себе, а после за другите. Бидејќи, доколку работата не те исполнува, тоа публиката ќе го забележи, па оттука се почнува да ти оди по надолна линија. Публиката едноставо не може да се излаже...