Добри комшии

Грчкиот претставник Јорго верува во нашата песна!

Евровизија е предизвик, возбуда и искуство, секој ќе се согласи дека ние сите имаме потреба од помош. Му посакувам на Ѓоко се најубаво и едвај чекам да го запознам. Се надевам Грците ќе гласаат за него - вели Јорго Алкеос.

Грчкиот евровизиски претставник Јоргос Алкеос зад себе има неколку големи хитови, со етно елемтни. Тој е пристоен, фин и добар дечко, за  кого најблиските соработници тврдат дека е другар и пол, а таков впечаток ми остави и кога во 2004 година го запознав во Атина. Пред неколку месеци му се посреќи да победи на грчкиот избор и да стане нивни претставник на годинешната Евровизија (25-29 мај, Осло).

Честитки за победата, со веселата песнатa Опа, Опа. Што очекувате во Осло?

Мојата  песна е насловена само Опа. Многумина ја мешаат. Опа, опа, тоа е друга позната песна што ја пеат многу познати пејачи - Нотис Сфакианакис, Антик и Деспина Ванди. Јас сум многу среќен што ќе ја претставувам Грција со песната Опа, јас ја напишав. Евровизијата е совршена шанса за мене и за моите блиски соработници, да сретнеме музичатr и да размените идеи за музика со нашите колеги од цела Европа. Тоа само по себе е голем успех. За другото, битно е ние да имаме добра забава, па ќе видиме што ќе се случи.

Грчката јавност оваа година избра песна во традиционален етно елемент. Дали беше лесно да победите во конкуранција во која другите пејачи не беа толку познати како Вас?

Опа е етно песна со грчки текст и ова е прв пат по 12 години Грција да прати типично грчка песна. Сите други настапувачи на домашниот избор беа одлични, и јас бев среќен кога победив во таква конкуренција. Јас сум навистина една дружељубива линост, на нашето финале сите бевме на зааедно и си помагавме за подобри резултати. Беше тешко да се победи, и бев  многу возбуден кога тоа се случи.

Според прогнозите во обложувалниците Вие сте еден од фаворитие оваа година. Очекувате да го повторите успехот од  Сакис Рувас и Хелена Папазиру?

Секоја година е различно и ние секоја година се подготвуваме на Европа да и покажеме различна страна од грчката музичка сцена. Заедно со моите пријатели се надеваме дека на сите луѓе од Европа ќе и пренесеме позитивна енергија, веселост. Јас, како музичар со дваесетгодишно искуство знам колку Евровизијата е голема шанса за да се запознаат продуценти, да се зборува со вистински луѓе за музиката и да се споделат моменти. Тоа е  задоволство за мене, тоа е начинот на кој јас реагирам и ја живеам музиката.



Сакис Рувас направи голема кариера по евровизискиот настап во 2004, Хелена Папаризу исто така по победата во 2006. Ќе побарате совет од нив?

Да, секако. Ги знам Сакис и Хелена многу добро и секој нивни совет е добредојден. Евровизија е предизвик, возбуда и искуство, секој ќе се согласи дека ние сите имаме потреба од помош. Многу пејачи од мали сонуваат за Евровизија. Го гледавте фестивалот во детските години,патем, која ви е наомилена песна?

Ги гледав Евровизиите откако се сеќавам засебе и отсекогаш сакав да пеам таму. Оваа година сум мнопгу возбуден бидејќи јас сум тој на кој сонот му се оствари. Имам многу омилени песни, ќе ги запеам додека престојувам во Осло. Секако не можам да ја заборавам Hold me now на Џони Логан, песните на Селин Дион, Хелена Папаризу, Кети Гарби и многу други.

За жал, ја изгубивте вашата баба, кога се натпреварувавте на финалето. Како го доживеавте тој момент на радост и тага во ист момент?

За време на пробите и на финалето не ми кажаа дека баба ми почина. Ја чуваа тајната за да не ме растажат пред да настапам. Баба ми ми беше како мајка, жена која секогаш со сакаше најдоброто за својот внук. И знам дека секогаш ќе ме подржува, каде и да е.

 Ја слушнавте песната Јас ја имам силата на Ѓоко Танески?

Ги слушнав сите песни кои ќе бидат испеани на Евровизија 2010. Мислам  дека Јас ја имам силата е многу моќна песна. Му посакувам на Ѓоко се најубаво и едвај чекам да го запознам.

Политичката ситуација меѓу Грција и Македонија е лоша, иако тоа не доликува на први соседи. Во мојата земја, дури и на свадби се пеат грчки песни Кира Јоргена, Марија мета китирна, Shake it од Сакис, но грчката јавност не знае мнoгу за мaкeдoнската музиka. Мислите ли дека е време уметниците да ја омекнат ситуацијата?

Музиката отсекогаш имала сила да ги сплоти луѓето. Кога јас пеам, пеам за сите без разлика од каде се. Јас отсекогаш ги сакав луѓето од цел свет, сакам да ги запознавам, искрено, сакам да ги допрам со песната Опа. Секој може да ја почувствува силата на музиката на Евровизите, каде нема место за политиката.

Музиката го има тој код на комуникација и заеднички јазик. Не сум од друга планета да не знам што се случува наоколу, но јас реагирам само преку музика. За мене, како пејач и композитор 20 години, Евровизијата е место каде се спојуваат чувствата, душите оптимизмот и енегријата. Опа ве мотивира за момент да ги заборавите проблемите и во тој момант да викнете Опа.

Нашата легенда Тоше Проески е единствениот македонски пејач досега кој доби поени од Грција, во 2004. ЕРТ во евровизискиот билтен за време на Евровизијата во 2006 објави фотографија од  Тоше, покрај  АББА, и други евровизиски победници. Мислите ли дека на грчката публика овој пат ќе и се допадне Јас ја имам силата и ќе гласа за неа?

Како што реков Јас ја имам силата е моќна песна и мислам дека ќе е добредојдена за вкусот на грчката публика. Да се надеваме дека навистина песната ќе му се допадне на мојот народ.

Драг Јорго, Ви посакувам се најубаво на Евровизија и остана желбата да дојдете во мојата земја, а добро ќе беше да дојдете и да ја  испромовите Опа и кај нас?

За жал, сега мораме да брзаме и имаме многу набиена агенда, проби, подготовки и немам време за ништо друго. Деновиве заминуваме за Осло. Се обидовме да направиме промотивна турнеја преку телефон, скајп и по емаил (се смее). Посакувам да имавме време да ве посетиме сите, но бевме само во Турција и Белгија. Еве, Ви ја испраќам мојата добра волја и енергија и ви благодарам за поддршката.

Валентина Ѓоргиевска